రేణుక చౌదరి: కాలేజీ రోజుల్లో గ్యాంగ్ లీడర్‌గా, మోటార్‌సైకిల్ నడిపేదాన్ని

మాజీ కేంద్ర మంత్రి రేణుక చౌదరి తన కాలేజీ రోజుల అనుభవాలను ఒక ఇంటర్వ్యూలో పంచుకున్నారు. తాను అబ్బాయిల గ్యాంగ్‌లో లీడర్‌గా ఉండేదాన్నని, మోటార్‌సైకిల్ నడిపేదాన్నని ఆమె వెల్లడించారు. అయితే, ఆ రోజుల్లో ఆడపిల్లలు మోటార్‌సైకిల్ నడపడం వివాదాస్పదంగా ఉండేదని, దీంతో తనకు విమర్శలు, తిట్లు ఎదురయ్యాయని చెప్పారు.

సమాజం ఆడపిల్లలు సంప్రదాయబద్ధంగా, మంచి ప్రవర్తనతో ఉండాలని ఆశించేదని రేణుక తెలిపారు. లంగా ఓణీ ధరించి, జడ వేసుకొని 'అందరిలాగా ఉండాలి' అన్న కోరిక తనకు ఉండేదన్నారు. "చాలామంది తిట్టేవారు, అందుకే సంప్రదాయంగా కనిపించాలని ప్రయత్నించేదాన్ని" అని గుర్తు చేసుకున్నారు. చిన్నప్పటి నుంచి తనకు సమాజ నియమాల పట్ల సహనం లేకపోయినా, అలానే ఎదిగానని ఆమె వివరించారు.

ఆమె ఈ ఆసక్తికరమైన వ్యాఖ్యల వీడియో సోషల్ మీడియాలో ప్రసారమవుతోంది.