కామారెడ్డిలో భీమా సొమ్ము కోసం భర్తను హత్య చేయించిన భార్య, ప్రియుడు అరెస్ట్

కామారెడ్డి జిల్లా సదాశివనగర్ మండలం మర్కలలో ఓ మహిళ ప్రియుడి సాయంతో తన భర్తను హత్య చేయించింది. భీమా సొమ్ము కోసం ఈ హత్య జరిగినట్లు పోలీసుల దర్యాప్తులో వెల్లడైంది.

బాధితుడు రాజయ్య భార్య రేణుక. రేణుకకు గంగాశేఖర్ అనే వ్యక్తితో గత నాలుగేళ్లుగా వివాహేతర సంబంధం ఉంది. వీరిద్దరూ కలిసి రాజయ్యను తొలగించి, ఆయన పేరిట ఉన్న భీమా డబ్బు కాజేయాలని పథకం వేశారు.

గత నెల 22వ తేదీన గంగాశేఖర్ రాజయ్యను గాంధారికి తీసుకెళ్లి మద్యం తాగించాడు. మత్తులో ఉన్న రాజయ్య తలపై ఐరన్ రాడుతో బలంగా కొట్టి చంపాడు. అనంతరం రోడ్డు ప్రమాదంలో చనిపోయినట్లు చిత్రీకరించి అక్కడి నుంచి పారిపోయాడు.

రేణుక పోలీసులకు రోడ్డు ప్రమాదంలో భర్త మృతి చెందాడని ఫిర్యాదు చేసింది. కేసు నమోదు చేసుకున్న పోలీసులు దర్యాప్తు చేపట్టారు. విచారణలో అసలు విషయాలు బయటపడటంతో రేణుక, గంగాశేఖర్‌లను అరెస్ట్ చేసి రిమాండ్‌కు తరలించారు.