రేవంత్ రెడ్డి 20 ఏళ్ల రాజకీయ ప్రస్థానంపై ఎక్స్‌లో పోస్ట్

ముఖ్యమంత్రి రేవంత్ రెడ్డి తన 20 ఏళ్ల రాజకీయ ప్రస్థానం సందర్భంగా ఎక్స్ (ట్విటర్) లో ఒక పోస్ట్ చేశారు. మిడ్జిల్ నుంచి సాధారణ రాజకీయ కార్యకర్తగా తన ప్రయాణం మొదలైందని, ప్రస్తుతం రాష్ట్ర ముఖ్యమంత్రి స్థాయికి చేరుకున్నానని ఆయన పేర్కొన్నారు.

ఈ రెండు దశాబ్దాల ప్రయాణంలో ఎన్నో విజయాలు, సవాళ్లు ఎదురైనప్పటికీ, ప్రజా సమస్యలపై తాను నిరంతరం పోరాటం చేశానని తెలిపారు. ప్రజల విశ్వాసమే తన రాజకీయ ఎదుగుదలకు కారణమన్నారు.

తనతో పాటు నడిచిన కార్యకర్తలు, మిత్రులు, శ్రేయోభిలాషులకు హృదయపూర్వక ధన్యవాదాలు తెలిపారు. తెలంగాణ పునర్నిర్మాణంలో శ్రామికుడిగా ప్రజల ఆకాంక్షలు నెరవేర్చే సేవకుడిగా బాధ్యత నిర్వర్తిస్తానని హామి ఇచ్చారు.

ప్రజల నుంచి అందిన విశ్వాసంతో మరింత సేవ చేయాలనే సంకల్పంతో ముందుకు సాగుతానని రేవంత్ రెడ్డి తెలిపారు.