ఆదిలాబాద్‌కు పాలమూరుతో సమాన అభివృద్ధి ప్రాధాన్యం: CM రేవంత్ రెడ్డి

CM రేవంత్ రెడ్డి తన హయాంలో ఆదిలాబాద్ జిల్లాకు పాలమూరు జిల్లాతో సమానమైన అభివృద్ధి ప్రాధాన్యం ఇస్తామని పునరుద్ఘాటించారు. 2021లో కాంగ్రెస్ తెలంగాణ అధ్యక్షుడిగా బాధ్యతలు తీసుకున్న తర్వాత తొలి కార్యక్రమంగా ఉమ్మడి ఆదిలాబాద్ జిల్లాలోని నిర్మల్ లో నిరసన చేపట్టిన విషయాన్ని ఆయన గుర్తు చేశారు.

ఇంద్రవెల్లి అమరవీరుల స్తూపం వద్ద దళిత గిరిజన దండోర కార్యక్రమాన్ని ప్రారంభించిన సందర్భాన్ని ప్రస్తావించిన రేవంత్, అప్పట్లోనే ఆదిలాబాద్ జిల్లాకు ప్రాధాన్యత ఇస్తామని మాట ఇచ్చానని చెప్పారు. సుమారు మూడు లక్షల మంది ఆదివాసులు ఆ కార్యక్రమంలో పాల్గొన్నారని వివరించారు.

కొమరం భీముని స్ఫూర్తితో నిర్మితమైన ఇంద్రవెల్లి స్తూపం సాక్షిగా, కాంగ్రెస్ ప్రభుత్వం ఈ జిల్లా అభివృద్ధికి కట్టుబడి ఉంటుందని సీఎం తెలిపారు. ఈ ప్రాంతాభివృద్ధి తమ బాధ్యతగా కాంగ్రెస్ ప్రభుత్వం తీసుకుంటుందన్నారు.