ముక్తల్‌లో రేవంత్ రెడ్డి పర్యటన; కృష్ణా, భీమా నదులపై ఏరియల్ సర్వే

CM రేవంత్ రెడ్డి నారాయణపేట జిల్లా ముక్తల్‌లో పర్యటించనున్నారు. కృష్ణా, భీమా నదులపై రెండు బ్యారేజీల నిర్మాణాల కోసం ఆయన ఏరియల్ సర్వే చేపట్టనున్నారు.

మంత్రి వాకిటి శ్రీహరి కలెక్టర్, ఎస్పీలతో కలిసి ఏర్పాట్లను పర్యవేక్షించారు. పట్టణంలోని గురుకుల పాఠశాల సమీపంలో ఏర్పాటు చేసిన హెలిప్యాడ్ స్థలాన్ని పరిశీలించారు.

రేవంత్ రెడ్డి ఈ రోజు డీకే శివకుమార్ ప్రమాణ స్వీకార కార్యక్రమానికి హాజరై, రేపు కర్ణాటక నుంచి హెలికాప్టర్ ద్వారా ముక్తల్ చేరుకుంటారు.

నాలుగో తేదీన బేగంపేట విమానాశ్రయం నుంచి ఏరియల్ సర్వే ప్రారంభమవుతుంది. ఉత్తమ్ కుమార్ రెడ్డి, బోసురాజు తదితరులు సీఎంతో పాటు ఉంటారు. సర్వే సందర్భంగా కోయత నగర్, జంగం రెడ్డిపల్లి ప్రాంతాలను పరిశీలిస్తారు. జంగం రెడ్డిపల్లి లిఫ్ట్ పథకాన్ని ₹175 కోట్లతో నిర్మిస్తున్నారు. ఈ ప్రాజెక్టు 7,500 ఎకరాలకు సాగునీరు అందించి 13 గ్రామాలకు ప్రయోజనం చేకూరుస్తుంది.