యాదగిరిగుట్ట పర్యటనలో హెలికాప్టర్ తప్పు చోట దిగడంపై రేవంత్ ఆగ్రహం

యాదగిరిగుట్ట పర్యటన సమయంలో CM రేవంత్ రెడ్డి హెలికాప్టర్ నిర్ణీత స్థలంలో దిగలేదు. ప్రధాన గుట్ట దగ్గర దిగాల్సిన హెలికాప్టర్ 2 కిలోమీటర్ల దూరంలోని పెద్ద గుట్ట దగ్గర దిగింది.

జిల్లా మంత్రులు, స్థానిక MLA లు, జిల్లా అధికారులు నిర్ణీత స్థలంలో CM కోసం వేచి ఉన్నారు. హెలికాప్టర్ వేరే చోట దిగడంతో CM రేవంత్ రెడ్డి, మంత్రి కొండా సురేఖ, మంత్రి అడ్లూరి లక్ష్మణ్ దాదాపు 20 నిమిషాలు అక్కడే వేచి ఉండాల్సి వచ్చింది.

ఈ ఘటనపై CM, CS మరియు DGP నుండి వివరణ కోరారు. RNB Aviation అధికారులు కూడా వివరణ ఇవ్వాలని ఉన్నత అధికారులు ఆదేశించారు. ఆలస్యానికి కారణమైన అధికారులకు show cause నోటీసులు జారీ అయ్యాయి.

వేద పాఠశాల భూమి పూజకు MLA వేముల వీరేశం మరియు MLC సత్యంను అడ్డుకున్నారని కూడా తెలుస్తోంది. అధికారుల సమన్వయ లోపమే ఈ గందరగోళానికి కారణమని తెలుస్తోంది. దీనిపై దర్యాప్తు జరుగుతోంది.