హైదరాబాద్ అభివృద్ధి కార్యక్రమాలకు సహకరించండి: CM రేవంత్ రెడ్డి

హైదరాబాద్ నగరాన్ని గ్లోబల్ సిటీగా తీర్చిదిద్దే అభివృద్ధి కార్యక్రమాలకు సహకరించాలని ముఖ్యమంత్రి రేవంత్ రెడ్డి కోరారు. యాదవ సోదరులను ఉద్దేశించి ఆయన మాట్లాడారు.

మూసీ ప్రాజెక్టు, రీజినల్ రింగ్ రోడ్డు, భారత్ ఫ్యూచర్ సిటీ, మెట్రో రైల్ విస్తరణ పనులు ముందుకు సాగాలని CM అన్నారు. హైదరాబాద్ గ్లోబల్ నగరంగా రాణించాలంటే ఈ అభివృద్ధి కార్యక్రమాలు జరగాల్సిందేనని ఆయన చెప్పారు.

ఈరోజు హైదరాబాద్ పేరు ప్రతిష్టలు జాతీయ స్థాయిలో ఉన్నాయని ఆయన పేర్కొన్నారు. రాష్ట్రాన్ని దేశంలోనే అభివృద్ధి చెందిన రాష్ట్రంగా నిలబెట్టాలంటే కష్టపడాలని చెప్పారు.

యాదవ సమాజం సహకారంతోనే తెలంగాణ రాష్ట్రం మరింత అభివృద్ధి చెందుతుందని రేవంత్ రెడ్డి అన్నారు. కాంగ్రెస్ పార్టీ, ప్రభుత్వంలో యాదవ సమాజానికి తగిన వాటా ఇస్తామని ఆయన తెలిపారు. ఈ అభివృద్ధి కార్యక్రమాలకు ప్రభుత్వానికి పూర్తి సహకారం అందించాలని కోరారు.