యాదవుల సదర్‌కు రాష్ట్ర పండుగ హోదా ఇచ్చాం: CM రేవంత్ రెడ్డి

యాదవుల సదర్ ఉత్సవానికి రాష్ట్ర ప్రభుత్వం రాష్ట్ర పండుగ హోదా ఇచ్చిందని ముఖ్యమంత్రి రేవంత్ రెడ్డి అన్నారు. హైదరాబాద్‌లో జరిగిన సదర్ వేడుకల్లో ఆయన మాట్లాడారు.

సదర్ ఉత్సవాన్ని రాష్ట్ర పండుగగా ప్రకటించాలని యాదవ సామాజిక వర్గ నేతలు తనను కోరారని CM తెలిపారు. వెంటనే ఆదేశాలు ఇవ్వాలని ప్రధాన కార్యదర్శికి సూచించినట్లు ఆయన చెప్పారు. ఈ ఏడాది కూడా ఉత్సవం కోసం ప్రభుత్వం నిధులు విడుదల చేసిందని ఆయన పేర్కొన్నారు.

ప్రభుత్వం ఏర్పడిన తర్వాత అంజన్ యాదవ్, అనిల్ యాదవ్, శంకర్ యాదవ్ తదితర నేతలు తనను కలిసి ఈ అభ్యర్థన చేశారని CM వివరించారు. దీపావళి సమయంలో జరిగే సదర్ సమావేశం యాదవ సమాజానికి పెద్ద ఉత్సవమని ఆయన అన్నారు.

ఇప్పటివరకు ఆంధ్రప్రదేశ్, తెలంగాణలో ఏ ముఖ్యమంత్రి ఈ ఉత్సవాన్ని రాష్ట్ర పండుగగా ప్రకటించలేదని ఆయన అన్నారు. సదర్ వల్ల హైదరాబాద్ పేరు మరింత మెరిసిపోతుందని ఆయన అభివర్ణించారు. దూరం నుంచి వచ్చిన అతిథులకు యాదవ సమాజం తరఫున అభినందనలు, ధన్యవాదాలు తెలిపారు.