కాంగ్రెస్ CPAC సమావేశంలో రేవంత్ రెడ్డి కీలక ఆదేశాలు

తెలంగాణ CM రేవంత్ రెడ్డి కాంగ్రెస్ Political Affairs Committee (CPAC) సమావేశంలో పార్టీ నాయకులకు పలు ఆదేశాలు జారీ చేశారు.

కొన్ని నియోజకవర్గాల్లో ఎమ్మెల్యేలు వ్యక్తిగత ప్రచారానికే సోషల్ మీడియా వాడుతున్నారని రేవంత్ రెడ్డి అసంతృప్తి వ్యక్తం చేశారు. పార్టీ, ప్రభుత్వ కార్యక్రమాల ప్రచారం చేయడం లేదని పేర్కొన్నారు. పార్టీ కోసం సోషల్ మీడియా వినియోగంపై ఎమ్మెల్యేలకు శిక్షణ ఇవ్వాలన్నారు.

Special Summary Revision (SRR) కార్యక్రమంలో హైదరాబాద్ performance సరిగా లేదని CM తెలిపారు. మంత్రి పొన్నం ప్రభాకర్ ఈ విషయంపై క్లారిటీ ఇవ్వాలని ఆదేశించారు. త్వరలో కమిటీ వేసి దృష్టి సారిస్తామని పొన్నం ప్రభాకర్ తెలిపారు.

SRR ప్రక్రియలో లంబాడీలు, ఆదివాసీలు, వలస కార్మికులు, దళితులు, మైనారిటీలు, మహిళల ఓట్లు తొలగించే ప్రమాదం ఉందని రేవంత్ రెడ్డి హెచ్చరించారు. ఈ సమస్యలపై నాయకులు అవగాహన పెంచుకోవాలన్నారు.

పార్లమెంట్, అసెంబ్లీ డివిజన్ వారీగా కమిటీలు వేయాలని ఆదేశించారు. 119 అసెంబ్లీ, 17 లోక్సభ నియోజకవర్గాల్లో SRR పర్యవేక్షణకు ఇంచార్జీలను నియమించాలన్నారు. రాజ్యసభ సభ్యులు, MLC లకు హైదరాబాద్ నియోజకవర్గాల బాధ్యతలు అప్పగించాలని సూచించారు.

మంత్రులు ప్రతి 10 రోజులకు ఒకసారి తాము ఇంచార్జీగా ఉన్న జిల్లాలకు వెళ్లాలని, మంత్రులు, MP లు, ఎమ్మెల్యేలు, MLC లు వారంలో ఒకరోజు నియోజకవర్గాలకు వెళ్లి కార్యకర్తలను కలవాలని CM సూచించారు. తాను నెలలో మూడు రోజులు క్షేత్ర స్థాయి కార్యకర్తలకు కేటాయిస్తానని చెప్పారు.

నాయకులు ఎక్కడికి వెళ్లాలి అనేది TPCC అధ్యక్షుడు నిర్ణయిస్తారని రేవంత్ రెడ్డి తెలిపారు.