బండి భగీరథ్ అరెస్టుపై రేవంత్ రెడ్డి వ్యాఖ్యలు

బండి భగీరథ్ అరెస్టు విషయంలో సీఎం రేవంత్ రెడ్డి స్పష్టమైన వ్యాఖ్యలు చేశారు. తన కుమారుణ్ణి పోలీసులకు తానే అప్పగించానని బండి సంజయ్ చేస్తున్న వ్యాఖ్యలను రేవంత్ రెడ్డి తోసిపుచ్చారు.

నిజంగానే సరెండర్ చేయాలనుకుంటే పోలీసులను ఇంటికి పిలిపించి అప్పగించాల్సిందని రేవంత్ రెడ్డి అన్నారు. అప్పా జంక్షన్ దగ్గర ఇవ్వడం సరెండర్ అవ్వదని పేర్కొన్నారు.

రోడ్డు మధ్యలో వాహనాల తనిఖీ జరుగుతున్న సమయంలో బండి భగీరథ్ అప్పా జంక్షన్ వద్ద పోలీసులకు చిక్కాడని రేవంత్ రెడ్డి తెలిపారు. అరెస్టు చేసినట్లు పోలీసులు తనకు స్పష్టంగా తెలిపారని చెప్పారు.

రాజకీయ నాయకుల మాట నమ్మాలా లేదా పోలీసుల మాట నమ్మాలా అని రేవంత్ రెడ్డి ప్రశ్నించారు. పోలీసులు చెప్పిన దానినే తాను నమ్ముతానని స్పష్టం చేశారు.