పెట్రోల్ డీజిల్ ధరల పెంపుపై రేవంత్ రెడ్డి విమర్శలు; దేవాదుల ప్రాజెక్టు 2027 నాటికి పూర్తి

తెలంగాణ ముఖ్యమంత్రి రేవంత్ రెడ్డి పెట్రోల్, డీజిల్ ధరల పెంపును తీవ్రంగా వ్యతిరేకించారు. నాలుగు రాష్ట్రాలు, ఒక కేంద్రపాలిత ప్రాంతం ఎన్నికలకు ముందు ధరలు పెంచమని కేంద్ర ప్రభుత్వం పదే పదే చెప్పిందని గుర్తు చేశారు. ఎన్నికల ఫలితాలు వచ్చిన 10 రోజుల్లోపే లీటర్‌కు రూపాయల చొప్పున పెంచడం ప్రజలను మోసం చేయడమేనని X లో ప్రశ్నించారు. పెంచిన ధరలను వెంటనే ఉపసంహరించుకోవాలని డిమాండ్ చేశారు.

దేవాదుల ఎత్తిపోతల పథకాన్ని 2027 డిసెంబర్ నాటికి పూర్తి చేస్తామని మంత్రి ఉత్తం కుమార్ రెడ్డి తెలిపారు. 38.16 TMC సామర్థ్యంతో ఈ ప్రాజెక్టు నిర్మిస్తున్నారు. ఉమ్మడి వరంగల్, నల్గొండ, కరీంనగర్ జిల్లాల్లో 5,57,000 ఎకరాలకు సాగునీరు అందించడం లక్ష్యమని చెప్పారు. ప్రాజెక్టు మొత్తం అంచన వ్యయం ₹18,400 కోట్లు. ఇప్పటివరకు ₹14,422 కోట్లు ఖర్చు చేశారు. మిగిలిన ₹3,978 కోట్లతో నిర్మాణం పూర్తి చేస్తారని చెప్పారు. మూడు దశల్లో 16 ప్యాకేజీలుగా ఈ పథకం నిర్మిస్తున్నారు.

కేంద్రం మొక్కజొన్న పంటను కొనుగోలు చేయకపోవడంతో రాష్ట్ర ప్రభుత్వం సొంత నిధులతో కొనుగోలు చేస్తోందని మంత్రి తుమ్మల నాగేశ్వరరావు తెలిపారు. ఇప్పటివరకు 9,57,000 మెట్రిక్ టన్నుల మొక్కజొన్న సేకరించారు. జొన్న పంట కొనుగోలుకు ₹1,000 కోట్లు కేటాయించేందుకు ప్రభుత్వం సిద్ధంగా ఉందన్నారు. శనగ, పొద్దుతిరుగుడు పంటల కొనుగోలుపై ఉన్న 25% పరిమితిని 50%కి పెంచాలని కేంద్ర వ్యవసాయ మంత్రికి మళ్లీ లేఖ రాస్తామని తెలిపారు.

GHMC పరిధిలో ఇందిరమ్మ ఇళ్ల అర్హులను నియోజకవర్గాన్ని యూనిట్‌గా తీసుకొని ఎంపిక చేస్తామని మంత్రి పొంగులేటి శ్రీనివాస్ రెడ్డి తెలిపారు. కేంద్రం నిధులు ఇంతవరకు రాలేదని, కొన్ని రోజులు వేచి చూసిన తర్వాత కేంద్రం ఇచ్చినా ఇవ్వకున్నా ₹5 లక్షలు ఇస్తామని చెప్పారు.