మహిళా రిజర్వేషన్ బిల్లు వెంటనే తీసుకురావాలి: CM రేవంత్ రెడ్డి

హైదరాబాద్‌లో రాజీవ్ గాంధీ వర్ధంతి సందర్భంగా తెలంగాణ CM రేవంత్ రెడ్డి మాట్లాడారు. లోక్‌సభ, రాజ్యసభలో మహిళా రిజర్వేషన్ బిల్లును వెంటనే తీసుకురావాలని ప్రధాని నరేంద్ర మోడీకి డిమాండ్ చేశారు.

హైదరాబాద్ నగర కాంగ్రెస్ పార్టీ తరఫున ట్యాంక్‌బండ్ వద్ద ఈ కార్యక్రమం నిర్వహించారు. ఇందులో మంత్రులు, MLAలు, పార్టీ నాయకులు పాల్గొన్నారు.

రేవంత్ రెడ్డి మాట్లాడుతూ, రాజీవ్ గాంధీ స్థానిక సంస్థల్లో మొట్టమొదటి సారి మహిళా రిజర్వేషన్లు తెచ్చారని పేర్కొన్నారు. కంప్యూటర్, telecom రంగాల్లో దేశాన్ని ముందుకు తీసుకువెళ్ళిన నాయకుడని అన్నారు.

2023లో పార్లమెంట్‌లో ఆమోదించిన మహిళా రిజర్వేషన్ చట్టం అమలుకు మళ్ళీ రాజ్యాంగ సవరణ చేయాల్సిన పరిస్థితి ఏర్పడిందని రేవంత్ అన్నారు. ప్రత్యేక పార్లమెంట్ సమావేశాలు ఏర్పాటు చేసి 33% మహిళా రిజర్వేషన్ బిల్లు ప్రవేశపెట్టాలని కోరారు. కాంగ్రెస్ పార్టీ, INDIA కూటమి 100% మద్దతు ఇస్తాయని ప్రకటించారు.

తెలంగాణ రాష్ట్ర ఏర్పాటులో సోనియా గాంధీ పాత్ర కీలకమైనదని రేవంత్ రెడ్డి పేర్కొన్నారు. 2013లో రాజ్యసభలో మహిళా రిజర్వేషన్ బిల్లు ఆమోదింపచేయడంలో సోనియా గాంధీ కృషి చేశారని తెలిపారు.