CM రేవంత్ రెడ్డి సీతారాంపురంలో సోలార్ మాడ్యూల్ యూనిట్ ప్రారంభించి, తెలంగాణకు బెస్ట్ ఇండస్ట్రీయల్ పాలసీ ఉందన్నారు

CM రేవంత్ రెడ్డి రంగారెడ్డి జిల్లా సీతారాంపురంలో సోలార్ మాడ్యూల్ తయారీ యూనిట్ ను ప్రారంభించారు. అనంతరం మాట్లాడిన ఆయన, "తెలంగాణలో అత్యుత్తమ పారిశ్రామిక విధానం తీసుకొచ్చామని" పేర్కొన్నారు.

ఈ సందర్భంగా ఇతర మెట్రో నగరాల సమస్యలను ఉదహరించారు. "ఢిల్లీలో కాలుష్యం, ముంబైలో వరదలు, బెంగళూరులో ట్రాఫిక్ ఇబ్బందులు తీవ్ర సంక్షోభంగా మారాయి. సరైన సమయంలో నిర్ణయాలు తీసుకోకపోవడమే దీనికి కారణం" అని తెలిపారు.

ఈ నగరాల అనుభవాల నుంచి పాఠాలు నేర్చుకొని హైదరాబాద్ ను అభివృద్ధి చేస్తున్నామని వివరించారు. "పరిశ్రమలను నగరం నుండి బయటకు తరలించడం, రేడియల్ రోడ్లు, మెట్రో విస్తరణ చేపడతున్నాం. హైదరాబాద్‌లో కాలుష్య నియంత్రణ కోసం 100% సోలార్ ఎనర్జీతో నడిచే ఆక్సిజన్ పంపింగ్ వ్యవస్థను డొనేట్ చేస్తామన్నారు" అని CM చెప్పారు.

పారిశ్రామిక విధానం ద్వారా లక్షలాది మంది నిరుద్యోగ యువతకు ఉపాధి కల్పించాలన్న లక్ష్యంతో పనిచేస్తున్నామని తెలిపారు. "సీతారాంపుర్ ప్రజలు 1,600 ఎకరాల భూమి ఇవ్వడంతో ఇక్కడ పరిశ్రమలు తీసుకురాగలిగాం" అని ఆయన అన్నారు.