తెలంగాణలో ఇల్లు లేని పేదలు ఉండొద్దు: సీఎం రేవంత్ రెడ్డి

తెలంగాణ ముఖ్యమంత్రి రేవంత్ రెడ్డి రాష్ట్రంలో ఇల్లు లేని పేద కుటుంబాలు ఉండకూడదని ప్రకటించారు. ఆదివాసీలు నివసించే గూడాల్లో ప్రత్యేకంగా ఇందిరమ్మ ఇండ్లు మంజూరు చేస్తున్నట్లు తెలిపారు. ఆదిలాబాద్ జిల్లా ఆసిఫాబాద్ లోని కొత్తగూడెంలో జరిగిన ఇందిరమ్మ ఇండ్ల సామూహిక గృహ ప్రవేశ కార్యక్రమంలో ఆయన మాట్లాడారు.

గూడాల్లో ఇళ్లు లేని కుటుంబాలను గుర్తించేందుకు ప్రత్యేక డ్రైవ్ నిర్వహించాలని అధికారులను ఆదేశించినట్లు సీఎం తెలిపారు. నెల రోజుల్లో ఇల్లు నిర్మించేందుకు వీలు కల్పించే కొత్త టెక్నాలజీని మంత్రి పొంగులేటి శ్రీనివాస్ రెడ్డి సిద్ధం చేశారని, త్వరలోనే అందుబాటులోకి వస్తుందని చెప్పారు. ఆదివాసీలకు మొదటి విడతలో 21 వేల ఇందిరమ్మ ఇండ్లను మంజూరు చేసినట్లు సీఎం వెల్లడించారు.

అనంతరం ఆదివాసీ గిరిజనులు సంప్రదాయ నృత్యాలతో సీఎంకు స్వాగతం పలికారు. ఆదివాసీ మహిళలు సంప్రదాయ వంటకాలైన ఇప్పపువ్వు లడ్డు, బెల్లప్పాలను సీఎంకు అందించారు. కార్యక్రమంలో మంత్రులు వివేక్ వెంకటస్వామి, జూపల్లి కృష్ణారావు, పొంగులేటి శ్రీనివాసరావు, సీతక్క తదితరులు పాల్గొన్నారు.