పాలమూరు రంగారెడ్డి ఎత్తిపోతల పథకం పనులను పరిశీలించిన సీఎం రేవంత్ రెడ్డి

CM రేవంత్ రెడ్డి పర్యటనలో భాగంగా కొల్లాపూర్ వద్ద ఎల్లూరు పంప్ హౌస్‌కు చేరుకున్నారు. ఆయన పాలమూరు రంగారెడ్డి ఎత్తిపోతల పథకం (PRLIS)లోని ప్యాకేజీ-3 హెడ్ రెగ్యులేటర్, ప్యాకేజీ-2 నార్లపూర్ రిజర్వాయర్, ప్యాకేజీ-1 డెలివరీ సిస్టమ్‌లను పరిశీలించారు. మహాత్మా గాంధీ కల్వకుర్తి ఎత్తిపోతల పథకం లిఫ్ట్-1 పంప్ హౌస్‌లను కూడా సందర్శించారు.

సాగునీటి శాఖ అధికారులు మ్యాప్‌లు, ఫోటోల ప్రదర్శన ద్వారా పనుల పురోగతి, ప్రస్తుత స్థితిపై సీఎం‌కు వివరణ ఇచ్చారు. సీఎం పనుల వేగం పెంచే విషయంలో కొన్ని సూచనలు చేసినట్లు తెలిసింది.

ఈ పర్యటనలో భాగంగా ఆయన ఇంకా ఏదుల రిజర్వాయర్ పంప్ హౌస్‌లు, ప్యాకేజీ-3 కాలువ పనులు, కుమ్మెరలో వటం రిజర్వాయర్, ప్యాకేజీ-8 స్టేజ్-3 పంప్ హౌస్‌లను పరిశీలిస్తారు. మధ్యాహ్నం 2 గంటల తర్వాత హూత్‌పూర్ మండలం కొత్తలూరులో కర్వెన్న రిజర్వాయర్ ప్యాకేజీ-14 షిఫ్టింగ్ పనులు, ఆపై ఉదండాపూర్ రిజర్వాయర్ ప్యాకేజీలు 17,18 పనులను సందర్శిస్తారు.

సాయంత్రం జడ్చర్లలో భారీ బహిరంగ సభ ఏర్పాటు చేయగా, సీఎం అందులో ప్రసంగిస్తారు. అంతకుముందు మధ్యాహ్నం 3 గంటలకు ప్రాజెక్టుల క్షేత్రస్థాయి పరిశీలనపై మీడియా సమావేశం నిర్వహించే అవకాశం ఉందని సమాచారం.

ఈ రెండు రోజుల పర్యటనతో జిల్లాలోని తాగునీటి ప్రాజెక్టుల పనులు మరింత వేగం పొందుతాయని స్థానికులు భావిస్తున్నారు.