POCSO కేసులో KTR రాజకీయాలపై CM రేవంత్ రెడ్డి విమర్శలు

తెలంగాణ ముఖ్యమంత్రి రేవంత్ రెడ్డి BRS నేత KT రామారావుపై తీవ్రంగా విమర్శించారు. మైనర్ బాలికకు సంబంధించిన POCSO కేసులో KTR రాజకీయాలు చేస్తున్నారని ఆరోపించారు.

ఫిర్యాదు వచ్చిన వెంటనే FIR నమోదు చేశామని, 24 గంటల్లో బాధిత బాలిక స్టేట్‌మెంట్ రికార్డు చేశామని రేవంత్ రెడ్డి తెలిపారు. 164 స్టేట్‌మెంట్ కోసం బాలికను కోర్టుకు తీసుకెళ్లామని చెప్పారు. POCSO కేసుల్లో బాధిత వివరాలు బయటపెట్టకూడదని చట్టం ఉందని అన్నారు.

KTR బాలిక ఫోటోలు, తల్లిదండ్రుల ఫోటోలు సోషల్ మీడియాలో పెట్టారని రేవంత్ ఆరోపించారు. మైనర్ అమ్మాయిని రాజకీయాలకు అడ్డుపెట్టుకోవడం తప్పు అని స్పష్టం చేశారు. రాజకీయ పోటీ ఎన్నికల్లో చేయాలని, కేసులతో కాదని హెచ్చరించారు.

మెదక్‌లో ధాన్యం అందుబాటులో లేదని వార్తలు వచ్చాయని రేవంత్ తెలిపారు. కలెక్టర్‌కు వెంటనే వెరిఫై చేయమని ఆదేశాలు ఇచ్చినట్టు చెప్పారు. BRS అనుకూల మిల్లర్లు ధాన్యం దించనీయలేదని, ఈ విషయంలో PD Act కింద కేసులు నమోదు చేసి అరెస్టులు చేశామని ప్రభుత్వం తెలిపింది.