రుణాలు చెల్లించిన స్వయం సహాయ సంఘాలకు పెట్రోల్ బంక్ స్థలం ఇస్తామని CM రేవంత్ ప్రకటన

బ్యాంకు రుణాలు పూర్తిగా చెల్లించిన స్వయం సహాయ సంఘాల మహిళలకు పెట్రోల్ బంక్ స్థలం కేటాయిస్తామని CM రేవంత్ రెడ్డి తెలిపారు. ఇరిగేషన్, రెవెన్యూ, పంచాయతీరాజ్ శాఖల ప్రధాన రహదారుల పక్కన ఉన్న ప్రభుత్వ స్థలాలను వెంటనే గుర్తించి ఇవ్వాలని ఆదేశించారు.

ఆదర్శ సంఘాలుగా పని చేసిన స్వయం సహాయ సంఘాలకు ఇది బహుమతిగా ఉంటుందని ఆయన పేర్కొన్నారు.

గంగమణి అనే స్వయం సహాయ సంఘం బ్యాంకు రుణం ఒక్క పైసా బకాయి లేకుండా చెల్లించిందని CM పేర్కొన్నారు. ఈ సందర్భంగా మాట్లాడిన CM, బ్యాంకులకు మోసం చేసి విదేశాలకు పారిపోయిన వ్యాపారవేత్తలతో పోలిస్తే ఈ మహిళలు ఆదర్శంగా నిలిచారని చెప్పారు.