రాజీవ్ గాంధీ వర్దంతి: మహిళా రిజర్వేషన్ అమలుకు ప్రత్యేక పార్లమెంట్ సమావేశాలు నిర్వహించాలి — రేవంత్

రాజీవ్ గాంధీ 35వ వర్దంతి సందర్భంగా తెలంగాణ CM రేవంత్ రెడ్డి సచివాలయం వద్ద ఉన్న రాజీవ్ గాంధీ విగ్రహానికి నివాళులు అర్పించారు.

ఈ సందర్భంగా రేవంత్ రెడ్డి మాట్లాడుతూ మహిళలకు చట్టసభల్లో 33% రిజర్వేషన్లు అమలు చేయాలని కేంద్ర ప్రభుత్వాన్ని డిమాండ్ చేశారు. 2023లో పార్లమెంట్‌లో ప్రవేశపెట్టిన మహిళా రిజర్వేషన్ బిల్లుకు అన్ని రాజకీయ పక్షాలూ మద్దతు పలికాయని ఆయన గుర్తుచేశారు.

ఆ బిల్లులో పెట్టిన నిబంధనల వల్ల మళ్ళీ రాజ్యాంగ సవరణ చేయాల్సిన పరిస్థితి ఏర్పడిందని రేవంత్ రెడ్డి పేర్కొన్నారు. మహిళా రిజర్వేషన్లను రాజకీయ ప్రయోజనాల కోసం వాడుకోవద్దని ఆయన హెచ్చరించారు.

మహిళా రిజర్వేషన్లు అమలుకు అవసరమైన చట్ట సవరణను తక్షణమే చేయాలని, అందుకోసం ప్రత్యేక పార్లమెంట్ సమావేశాలు ఏర్పాటు చేయాలని రేవంత్ రెడ్డి కేంద్రాన్ని కోరారు. బిల్లు తెస్తే అన్ని పార్టీలు మద్దతు ఇస్తాయని కూడా ఆయన పేర్కొన్నారు.

ఈ డిమాండ్‌పై కేంద్ర ప్రభుత్వం స్పందన తెలియాల్సి ఉంది.