స్కిల్ జాబ్స్ నేర్చుకుంటే నెలకు రూ.2 లక్షల వేతనం: CM రేవంత్ రెడ్డి

తెలంగాణ CM రేవంత్ రెడ్డి యువతకు సాంకేతిక నైపుణ్యాలు నేర్చుకోవాలని పిలుపు ఇచ్చారు. software engineering కంటే technical skills నేర్చుకుంటే నెలకు రూ.2 లక్షల వేతనం సంపాదించవచ్చని తెలిపారు.

జపాన్, సింగపూర్, సౌత్ కొరియా, జర్మనీ వంటి దేశాల్లో blue collar ఉద్యోగాలకు మంచి భద్రత ఉందని రేవంత్ రెడ్డి చెప్పారు. ఆ దేశాల్లో 80% మందికి English రాకపోయినా వారు ప్రపంచంలో ముందంజలో ఉన్నారని పేర్కొన్నారు.

యువతను విదేశాలకు పంపించేందుకు ప్రభుత్వం జర్మన్, జపనీస్, కొరియన్ భాషలు నేర్పించే ఏర్పాట్లు చేస్తున్నట్లు తెలిపారు. ఇప్పటికే ఒప్పందాలు కుదుర్చుకున్నట్లు వెల్లడించారు.

ఇటీవల పాఠశాల ఉపాధ్యాయులను విదేశాల్లోని విద్యా విధానాలు అధ్యయనం చేసేందుకు పంపించినట్లు రేవంత్ రెడ్డి తెలిపారు. భవిష్యత్తులో ATC, polytechnic, skill university సిబ్బందిని కూడా ఇదే తరహాలో పంపిస్తామని చెప్పారు.