రాజీవ్ గాంధీ విగ్రహానికి రేవంత్ నివాళి; మహిళా రిజర్వేషన్ల అమలుకు డిమాండ్

తెలంగాణ CM రేవంత్ రెడ్డి రాజీవ్ గాంధీ వర్ధంతి సందర్భంగా సచివాలయం ముందు ఉన్న రాజీవ్ గాంధీ విగ్రహానికి నివాళులు అర్పించారు.

ఈ సందర్భంగా రేవంత్ రెడ్డి మాట్లాడుతూ, స్థానిక సంస్థల్లో మహిళా రిజర్వేషన్లను మొదటిసారి తెచ్చిన నేత రాజీవ్ గాంధీ అని పేర్కొన్నారు. 2013లో రాజ్యసభలో మహిళా రిజర్వేషన్ బిల్లు ఆమోదింపజేసింది సోనియా గాంధీ అని చెప్పారు.

ప్రధాన మంత్రి నరేంద్ర మోడీని ఉద్దేశించి రేవంత్ రెడ్డి డిమాండ్ చేశారు. శాసనసభలు, లోక్సభలో 33% మహిళా రిజర్వేషన్ల అమలుకు తక్షణమే రాజ్యాంగ సవరణ తీసుకురావాలని కోరారు. ప్రత్యేక పార్లమెంట్ సమావేశాలు నిర్వహించాలని డిమాండ్ చేశారు.

2023లో పార్లమెంట్‌లో ప్రవేశపెట్టిన మహిళా రిజర్వేషన్ బిల్లుకు అన్ని పార్టీలు మద్దతు తెలిపాయని, అయితే ఆ చట్టంలో పెట్టిన నిబంధనల వల్ల మళ్లీ రాజ్యాంగ సవరణ చేయాల్సిన పరిస్థితి వచ్చిందని ఆయన తెలిపారు. మహిళా రిజర్వేషన్ బిల్లు తీసుకొస్తే కాంగ్రెస్ పార్టీ, INDIA కూటమి సంపూర్ణ మద్దతు ఇస్తాయని రేవంత్ రెడ్డి ప్రకటించారు.

ఈ విషయంపై BJP, కేంద్ర ప్రభుత్వం స్పందన తెలియాల్సి ఉంది.