యాదాద్రిలో ₹100 కోట్ల అభివృద్ధి పనులకు సీఎం రేవంత్ శంకుస్థాపన

తెలంగాణ సీఎం రేవంత్ రెడ్డి యాదాద్రి యాతగిరి గుట్టను సందర్శించారు. దాదాపు ₹100 కోట్ల విలువైన అభివృద్ధి పనులకు శంకుస్థాపన చేశారు.

పెద్దగుట్ట టెంపుల్ సిటీలో శ్రీ లక్ష్మీనరసింహ వేద పాఠశాలకు భూమిపూజ నిర్వహించారు. ఈ వేద పాఠశాల నిర్మాణానికి ₹43.80 కోట్లు వ్యయం అవుతాయి. కామకోటి పీఠాధిపతి శంకర విజయేంద్ర సరస్వతి స్వామి సమక్షంలో ఈ భూమిపూజ జరిగింది.

ఆ తర్వాత రేవంత్ రెడ్డి ప్రధానాలయంలో లక్ష్మీనరసింహ స్వామిని దర్శించుకొని ప్రత్యేక పూజలు నిర్వహించారు. నిత్య కళ్యాణ మండపం, దీక్షాపరుల సదన్, ఆలయ మాడవీధులకు వాయువ్య దిశగా మెట్ల నిర్మాణం, వైకుంఠ ద్వార రాజగోపురం నుండి కొండపైకి మెట్ల మార్గం పైకప్పు నిర్మాణం — ఈ పనులన్నింటికీ శంకుస్థాపన చేశారు.