యాదగిరిగుట్టలో ₹100 కోట్ల అభివృద్ధి పనులకు శంకుస్థాపన — CM రేవంత్ రెడ్డి పర్యటన ఈ నెల 23న

ముఖ్యమంత్రి రేవంత్ రెడ్డి ఈ నెల 23వ తేదీ ఉదయం 9:37 గంటలకు యాదగిరిగుట్ట ఆలయానికి వస్తారు. అక్కడ ₹100 కోట్ల విలువైన ఐదు అభివృద్ధి పనులకు శంకుస్థాపన చేయనున్నారు.

ఈ శంకుస్థాపనలు కంచి కామకోటి పీఠాధిపతి శంకర విజయేంద్ర సరస్వతి స్వామి ఆధ్వర్యంలో జరుగుతాయని ఆలయ EO భవాని శంకర్ తెలిపారు.

శంకుస్థాపన జరిగే పనులు ఇవి: లక్ష్మీ నరసింహ స్వామి వేద పాఠశాల, కళ్యాణ మండపం, దీక్షాపరుల సదనం, మెట్ల మార్గానికి పైకప్పు, మాడవీధులకు వెళ్ళే నూతన మెట్ల మార్గం.

ఇక ఈ నెల 22వ తేదీ సాయంత్రం 4 గంటలకు శంకర విజయేంద్ర సరస్వతి స్వామి ఆలయానికి వస్తారు. 4 నుండి 4:45 వరకు పూజలు నిర్వహిస్తారు. సాయంత్రం 6 గంటల ప్రాంతంలో కళావేదిక వద్ద భజన కార్యక్రమం ఉంటుంది. 32 మంది వేద పండితులు చతుర్వేద పారాయణం చేస్తారు. స్వామి వారి అనుగ్రహ భాషణం సాయంత్రం 7:30 నుండి 8 గంటల వరకు కొనసాగుతుంది.