రిషబ్ శెట్టి బర్త్‌డే సందర్భంగా కాంతారా 2, జై హనుమాన్ ప్రాజెక్టులపై క్లారిటీ

నటుడు రిషబ్ శెట్టి తన పుట్టినరోజు సందర్భంగా చేతిలో ఉన్న ప్రాజెక్టుల వివరాలు తెలియజేశారు. ప్రశాంత్ వర్మ దర్శకత్వంలో ‘జై హనుమాన్’, సందీప్ సింగ్ దర్శకత్వంలో ‘ది ప్రైడ్ ఆఫ్ భారత్: ఛత్రపతి శివాజీ మహారాజ్’ చిత్రాల్లో నటిస్తున్నారు.

ఈ రెండు సినిమాల షూటింగ్ ఒకేసారి జరగదని ఆయన స్పష్టం చేశారు. రెండు పాత్రలకు భిన్నమైన గెటప్లు, ప్రత్యేక ప్రిపరేషన్ అవసరం కావడంతో ముందుగా ‘జై హనుమాన్’ పూర్తి చేసిన తర్వాతే శివాజీ మహారాజ్ పాత్ర కోసం సిద్ధమవుతానన్నారు.

ఇక ‘కాంతారా చాప్టర్ 2’ పనులు కొనసాగుతున్నాయి. ప్రత్యేక రచయితల బృందం ఇప్పటికే కథపై పనిచేస్తోందని, ఈ ప్రాజెక్టును ఎంతో ప్రతిష్టాత్మకంగా తీసుకుంటున్నామని చెప్పారు.

ఇటీవల తాను పూర్తిగా నటనపైనే దృష్టి పెడతాననే ప్రచారాన్ని ఆయన ఖండించారు. దర్శకత్వాన్ని ఎప్పటికీ వదిలిపెట్టబోనని చెప్తూ, సినిమా తెరకెక్కించే ప్రక్రియలోనే నిజమైన సంతృప్తి, మనశ్శాంతి లభిస్తాయని తెలిపారు.