కదిరి ఆర్టీసీ డిపో నుంచి బస్సు చోరీ: మదనపల్లి వద్ద వదిలేసి పారిపోయిన నిందితుడు పోలీసుల అదుపులో

అన్నమయ్య జిల్లా కదిరి ఆర్టీసీ డిపోలో పార్క్ చేసి ఉన్న బస్సును ఓ వ్యక్తి దొంగిలించాడు. తాగిన మత్తులో ఉన్న శివశంకర్ అనే వ్యక్తి బస్సును మదనపల్లి వరకు నడిపించాడు. అతను తన పెంపుడు కుక్కను కూడా బస్సులో ఎక్కించుకొని ప్రయాణించినట్లు సమాచారం.

బస్సు వెళ్తున్న సమయంలో పలు ప్రమాదాలకు కారణమైనట్లు స్థానికులు తెలిపారు. మదనపల్లి హైవేపై తట్టివారిపల్లి బ్రిడ్జ్ వద్ద బస్సును వదిలేసి శివశంకర్ పారిపోయాడు. బస్సు అద్దాలు పగిలిపోయాయి. బస్సుకు ఇతర నష్టం వాటిల్లింది.

తర్వాత పోలీసులు శివశంకర్‌ను అదుపులోకి తీసుకున్నారు. బస్సు ఎందుకు దొంగిలించినట్లు నిందితుడిని ప్రశ్నించగా, పొంతన లేని సమాధానాలు చెప్పాడు. తాగిన మత్తులో ట్రైన్ దొరకకపోవడంతో బస్టాండ్ వద్ద రన్నింగ్‌లో ఉన్న బస్సును ఎక్కి నడిపించినట్లు తెలిపాడు.

ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. బస్సును ఎలా సులువుగా ఎత్తుకెళ్లారనే దానిపై డిపో సెక్యూరిటీ వైఫల్యంపై విచారణ జరుగుతోంది. నష్టపోయిన బస్సు మరమ్మత్తుకు ఆర్టీసీ అధికారులు చర్యలు తీసుకుంటున్నారు.