కీవ్ నుంచి వెళ్లిపోండి: రష్యా హెచ్చరిక

రష్యా విదేశాంగ మంత్రి సెర్గీ లావ్రోవ్ అమెరికా విదేశాంగ మంత్రి మార్కో రూబియోతో ఫోన్‌లో మాట్లాడారు. ఆ సంభాషణలో కీవ్‌లో ఉన్న అమెరికా దౌత్య సిబ్బందిని వెంటనే వెనక్కి పంపాలని లావ్రోవ్ సూచించారు.

యుద్ధరంగం ఇంకా వేడెక్కబోతుందని ప్రాణ నష్టం జరిగే అవకాశం ఉందని రష్యా విదేశాంగ శాఖ అధికారిక ప్రకటన జారీ చేసింది. దౌత్యవేత్తలు, అంతర్జాతీయ సంస్థల సిబ్బంది, విదేశీయులు సాధ్యమైనంత త్వరగా కీవ్ విడిచి వెళ్ళాలని రష్యా ప్రభుత్వం హెచ్చరించింది.

జెలెన్స్కీ అధికార నివాసం, రక్షణ పరిశ్రమలు, కమాండ్ సెంటర్లు, drone తయారీ కేంద్రాలు రష్యాకు ప్రధాన లక్ష్యాలని రష్యా పేర్కొంది. మిలిటరీ భవనాల సమీపంలో పౌరులు ఉండవద్దని కూడా సూచించింది.

ఉక్రైన్ అధికారులు మాత్రం రష్యా ఒత్తిడికి లొంగబోమని స్పష్టం చేశారు. దాడులు వచ్చినా భయపడమని, రక్షణ కోసం సిద్ధంగా ఉన్నామని వారు తెలిపారు. అదే సమయంలో కీవ్‌లో భద్రతను మరింత కట్టుదిట్టం చేస్తున్నారు.

రష్యా-ఉక్రైన్ యుద్ధం నాలుగు సంవత్సరాలు పూర్తి చేసుకుంది. రష్యా ఇలాంటి హెచ్చరికలు మే నెలలో రెడ్ స్క్వేర్ మిలిటరీ పరేడ్ సమయంలో కూడా జారీ చేసింది. ఇప్పుడు కీవ్‌లో పలు కార్యాలయాలు మూతపడుతున్నాయి.