చింగం మాస ప్రత్యేక పూజల కోసం కేరళ శబరిమల ఆలయం నేడు ప్రారంభం

కేరళలోని శబరిమల అయ్యప్పస్వామి ఆలయం నేడు తెరుచుకోనుంది. మలయాళ నూతన సంవత్సరం చింగం మాస ప్రత్యేక పూజల కోసం సాయంత్రం 5 గంటలకు ఆలయాన్ని తెరవనున్నారు. ప్రధాన తంత్రి సమక్షంలో ప్రధాన పూజారి గర్భగుడి తలుపులు తెరిచి ప్రత్యేక పూజలు నిర్వహించనున్నారు.

రేపు ఉదయం 5 గంటల నుంచి భక్తులకు స్వామివారి దర్శనం కల్పించనున్నారు. ప్రత్యేక పూజలు ముగిసిన తర్వాత ఈ నెల 21న రాత్రి 10 గంటలకు ఆలయాన్ని తాత్కాలికంగా మూసివేయనున్నారు.

ఓనం పండుగ ఉత్సవాల సందర్భంగా ఈ నెల 24న ఆలయాన్ని తిరిగి తెరుస్తామని ట్రావెన్కోర్ దేవస్థానం బోర్డు తెలిపింది. కేరళ RTC యాత్రికుల కోసం విస్తృత ఏర్పాట్లు చేసింది. నిలక్కల్ నుంచి పంబా బేస్ క్యాంపుకు 24 గంటలూ RTC షటిల్ బస్సు సేవలు అందుబాటులో ఉంచారు.

భక్తులు శబరిమల ఆన్లైన్ పోర్టల్ ద్వారా ముందస్తుగా వర్చువల్ క్యూ స్లాట్లు బుక్ చేసుకోవాలని అధికారులు సూచించారు.