విజయపూరి కాలనీలో SNDP నాలా పని జాప్యంపై సబిత ఇంద్రారెడ్డి అధికారులకు హెచ్చరిక

హైదరాబాద్‌లోని విజయపూరి కాలనీలో SNDP నాలా పని నాలుగు నెలలకు పైగా అసంపూర్తిగా ఉందని MLA సబిత ఇంద్రారెడ్డి అధికారులను హెచ్చరించారు. కాలనీ వాసులు నేరుగా ఆమె దగ్గరికి వచ్చి ఫిర్యాదు చేసిన తర్వాత ఆమె స్వయంగా స్థలాన్ని పరిశీలించారు.

డ్రైన్ అంతటా తెరిచి ఉంది. మధ్యలో పని ఆపేసి వెళ్ళిపోయారని ఆమె తెలిపారు. విద్యుత్ స్తంభాన్ని తొందరగా తరలించాలని, వర్షాకాలం ముందే పని పూర్తి చేయాలని అధికారులను ఆమె కోరారు.

మల్కాజగిరి మరియు GHMC కమిషనర్లను ఉద్దేశించి మాట్లాడుతూ, SNDP నాలా పనులు నిర్దిష్ట గడువులోగా పూర్తి చేయాలని విజ్ఞప్తి చేశారు. రెండు సంవత్సరాలుగా పనులు నడుస్తున్నాయని, ఇది ఆమోదయోగ్యం కాదని పేర్కొన్నారు.

గతంలో KCR ప్రభుత్వం హైదరాబాద్‌లో వరద సమస్య పరిష్కారానికి ₹1,150 కోట్లు మంజూరు చేసి SNDP నాలాలు నిర్మించాలని నిర్ణయించిందని ఆమె గుర్తు చేశారు. పూర్తయిన చోట సమస్య లేదు, కానీ అసంపూర్తిగా ఉన్న నాలాలు కాలనీ వాసులకు ఇబ్బంది కలిగిస్తున్నాయని తెలిపారు.

వర్షాకాలానికి ముందే SNDP నాలా పనులు పూర్తి చేయాలని, GHMC ఏరియాలో మంచినీళ్ళ సమస్య పరిష్కరించాలని, చెరువుల డీసిల్టింగ్ తక్షణమే చేయాలని ముఖ్యమంత్రిని మరియు మున్సిపల్ శాఖ మంత్రిని ఆమె కోరారు. మూడు GHMC కార్పొరేషన్లను ప్రభుత్వం సమీక్షించి నిధులు విడుదల చేయాలని డిమాండ్ చేశారు.