సాయి కృష్ణ లాక్ ఆఫ్ డెత్ కేసు: నలుగురు కానిస్టేబుల్స్‌ను CCTV సాక్ష్యాలతో ఎదుర్కోబోతున్న SIT

కృష్ణలంక సాయి కృష్ణ 'లాక్ ఆఫ్ డెత్' కేసులో SIT అధికారులు విచారణ ముమ్మరం చేశారు. ఇవాళ నలుగురు కానిస్టేబుల్స్‌ను ఒకేచోట కూర్చి ప్రశ్నించేందుకు ప్రణాళిక సిద్ధం చేశారు.

మార్కాపురం నుండి విజయవాడ వరకు ప్రయాణానికి సంబంధించిన CCTV ఫుటేజీ, ఫోటోలను పరిశీలించిన SIT బృందం ఈ ఆధారాలను నిందితుల ముందు పెట్టి విచారించనుంది. గతంలో ఈ నలుగురిని విచారించగా, తమకు ఏమీ తెలియదని, అంతా సీఐ నాగరాజుకే తెలుసని వారు చెప్పినట్లు సమాచారం.

కస్టడీ ముగిసే నేపథ్యంలో నిందితులు అశోక్ కుమార్, జంగం నాని, బాబూరావ్, సాంభయ్యలను నేడు రెండవ అదనపు జుడీషియల్ మెజిస్ట్రేట్ (న్యాయాధికారి ఎస్. శ్రీకాంత్) నివాసంలో హాజరుపరిచి అనంతరం జైలుకు తరలించనున్నారు.