DSC-2025లో అక్రమాలు: నిరాహారదీక్ష చేపట్టిన సాకే శైలజానాథ్, ప్రభుత్వంపై ఆరోపణలు

వైఎస్సార్ కాంగ్రెస్ పార్టీ నేత సాకే శైలజానాథ్ DSC-2025 టీచర్ నియామకాల్లో అక్రమాలు జరిగాయని ఆరోపిస్తూ నిరాహారదీక్ష చేపట్టారు. ఈరోజు రెండవ రోజు నిరాహారదీక్ష కొనసాగుతోంది.

ఆయన ఆరోపణల ప్రకారం, కృష్ణా జిల్లా (జోన్ 2)లో సోషల్ స్టడీస్ లో జిల్లా టాపర్‌గా నిలిచిన నవీన్ పురం (ID MDSC0156824) అనే అభ్యర్థిని తుది మెరిట్ జాబితా నుంచి తొలగించి, రెండో ర్యాంకు వచ్చిన కోలా రామాంజనేయులు (సుబ్బారావు కుమారుడు) ను మొదటి ర్యాంకులో చూపించారు. నవీన్ పురం తన ఉద్యోగం కోసం కోర్టును ఆశ్రయించినట్లు శైలజానాథ్ తెలిపారు.

DSC-2025 నిర్వాహణలో అవుట్‌సోర్సింగ్ ద్వారా డాక్యుమెంట్ అప్‌లోడ్ చేయడం వల్ల సమాచారం లీక్ అయ్యే అవకాశం ఉందన్న ఆరోపణలపై ప్రభుత్వం నుంచి స్పష్టత రాలేదని ఆయన చెప్పారు. ఈ వ్యవహారానికి సంబంధించి విద్యాశాఖ కమీషనర్, ఎస్సీఈఆర్టీ అధికారులు ఇచ్చిన వివరణలు సరిపోలేదన్నారు. అలాగే, ఆ సమయంలో కొంతమంది ఉన్నతాధికారులను బదిలీ చేయడం కూడా అనుమానాలకు దారితీసిందని శైలజానాథ్ విమర్శించారు.

అక్టోబర్‌లో ప్రతిపాదించిన DSC-2026 పారదర్శకంగా జరగాలని, గతంలోని లోపాలు పునరావృతం కాకుండా చూడాలని శైలజానాథ్ డిమాండ్ చేశారు. ఈ ఆరోపణలపై ప్రభుత్వం నుంచి అధికారిక స్పందన రావాల్సి ఉంది.