6000mAh బ్యాటరీ, 50MP OIS కెమెరాతో Samsung Galaxy F70 Pro 5G వెల్లడి

స్మార్ట్‌ఫోన్ దిగ్గజం Samsung యొక్క తాజా F-సిరీస్ ఫోన్ Galaxy F70 Pro 5G స్పెసిఫికేషన్లు వెల్లడయ్యాయి. టెక్నికల్ గురూజీ ఛానల్ ద్వారా ఈ ఫోన్ అన్‌బాక్సింగ్ వీడియోలో ఫీచర్లు బయటకు వచ్చాయి.

ఈ ఫోన్‌లో 6.7 ఇంచ్ ఫుల్ HD+ సూపర్ అమోలెడ్ డిస్ప్లే, 120Hz రిఫ్రెష్ రేట్ ఉంది. Qualcomm Snapdragon 6 Gen 3 (4nm) చిప్‌సెట్, 8GB LPDDR5X RAM, 128GB UFS 3.1 స్టోరేజీ ఇస్తున్నారు. 6000mAh సామర్థ్యం గల బ్యాటరీ, 45W ఫాస్ట్ ఛార్జింగ్ సపోర్ట్, బైపాస్ ఛార్జింగ్ ఆప్షన్ కూడా ఉంది.

కెమెరా విషయానికొస్తే, వెనుకవైపు 50 మెగాపిక్సెల్ (OIS) ప్రధాన కెమెరా, 5MP అల్ట్రా వైడ్, 2MP మాక్రో సెన్సార్ ఉన్నాయి. ముందువైపు 12MP సెల్ఫీ కెమెరా HDR ఫోటోలను క్యాప్చర్ చేస్తుంది. 4K వీడియో రికార్డింగ్ కూడా చేయవచ్చు.

ఈ ఫోన్ IP64 రేటింగ్‌తో వాటర్ రెసిస్టెంట్, Corning Gorilla Glass Victus+ ప్రొటెక్షన్ కలిగి ఉంది. సాఫ్ట్‌వేర్ పరంగా Android 16 ఆధారిత One UI 8.5 రన్ అవుతుంది. Samsung 6 ఆండ్రాయిడ్ OS అప్‌డేట్లు, 6 సంవత్సరాల సెక్యూరిటీ అప్‌డేట్లు ఇవ్వనుంది.

Samsung Care Plus రక్షణ ప్లాన్ కూడా లభ్యం, ఇది యాక్సిడెంటల్ డ్యామేజ్, గ్లోబల్ కవరేజీని అందిస్తుంది. ధర మాత్రం ఇంకా ప్రకటించలేదు. త్వరలో భారత మార్కెట్లో విడుదల కానుంది.