సంగారెడ్డి తొగరపల్లిలో ₹650 కోట్ల ఫుడ్ ప్రాసెసింగ్ హబ్‌కు శంకుస్థాపన

తెలంగాణ సంగారెడ్డి జిల్లా తొగరపల్లిలో ₹650 కోట్ల విలువైన ఫుడ్ ప్రాసెసింగ్ హబ్‌కు శంకుస్థాపన జరిగింది. మంత్రి శ్రీధర్ బాబు ఈ కార్యక్రమంలో పాల్గొన్నారు.

స్థానికులకు ఉద్యోగ అవకాశాలు కల్పించడం ఈ ప్రాజెక్టు ముఖ్య లక్ష్యమని మంత్రి తెలిపారు. వ్యవసాయ ఉత్పత్తులకు విలువ జోడించే పరిశ్రమలు ఈ ప్రాంతంలో ఏర్పాటు చేయాలని ప్రభుత్వం లక్ష్యంగా పెట్టుకుందని చెప్పారు.

తెలంగాణ వ్యవసాయ ఉత్పత్తుల గురించి మాట్లాడుతూ, ఈసారి దేశంలోనే అత్యధిక వరి ఉత్పత్తి తెలంగాణలో నమోదైందని మంత్రి పేర్కొన్నారు. జహీరాబాద్ ప్రాంతంలో అల్లం, ధాన్యం, పండ్లు, కూరగాయలు, పాల ఉత్పత్తి పుష్కలంగా ఉందని, వీటికి ఇక్కడే value addition చేయాలని తెలిపారు.

హైదరాబాద్ Outer Ring Road దాటిన ప్రాంతాలను వ్యవసాయ ఆధారిత పారిశ్రామిక జోన్లుగా గుర్తించాలని ప్రభుత్వం ఆలోచిస్తోందని మంత్రి చెప్పారు. తూప్రాన్, నర్సాపూర్, నారాయణఖేడ్ ప్రాంతాల్లో కూడా పరిశ్రమలు ఏర్పాటు చేయాలని ప్రణాళిక ఉందని తెలిపారు.

ప్రపంచ ఫుడ్ ప్రాసెసింగ్ పరిశ్రమ 2030 నాటికి $700 బిలియన్ డాలర్లకు చేరుతుందని, మొత్తం అవకాశం $9 ట్రిలియన్ డాలర్లు అని మంత్రి పేర్కొన్నారు. ఈ అవకాశాన్ని తెలంగాణ సద్వినియోగం చేసుకోవాలని తెలిపారు.