నాగోలు సంతోష్ శర్మ: 300 మంది ఉద్యోగులకు ఇంటి భోజనం సరఫరా

హైదరాబాద్ లోని నాగోలు ప్రాంతానికి చెందిన సంతోష్ శర్మ ఉద్యోగస్తులకు ఇంటి భోజనం అందించే టిఫిన్ సర్వీస్ నిర్వహిస్తున్నారు. ఆఫీసు టైములో వంట చేసుకోలేని సాఫ్ట్వేర్ ఇంజినీర్లు, బ్యాచిలర్లు, పెద్దవారు ఈ సేవలను వినియోగించుకుంటున్నారు.

సంతోష్ శర్మ ప్రతి రోజు తెల్లవారుజామున 5 గంటలకు వంట ప్రారంభించి, భోజన సమయానికి ఫుడ్ బాక్సులు డెలివరీ చేస్తారు. ఈ టిఫిన్లలో ఉల్లిపాయ, వెల్లుల్లి, గరం మసాలాలు ఉపయోగించరు. నూనె వాడకం కూడా చాలా తక్కువగా ఉంటుంది. ప్లాస్టిక్ బాక్సుల బదులు స్టీల్ బాక్సులు వాడుతున్నారు.

చిన్నగా మొదలైన ఈ సర్వీస్ ఇప్పుడు 300 మందికి రోజూ భోజనం సరఫరా చేస్తోంది. వంట సిబ్బందిలో 25 మంది పనిచేస్తున్నారు. హయత్నగర్, మునగనూరు, అల్మాజగూడా, నంది హిల్స్, శంషాబాద్ తదితర ప్రాంతాలకు డెలివరీ చేస్తున్నారు. మంత్లీ ప్యాకేజెస్ గా సింగిల్ పర్సన్ కు ₹6,800, ఇద్దరికి ₹7,800, ముగ్గురికి ₹9,800 చార్జీలు ఉన్నాయి.

త్వరలో క్యాటరింగ్ సేవల విస్తరణకు ప్రణాళికలు ఉన్నాయని సంతోష్ శర్మ తెలిపారు. కస్టమర్లు ఆన్లైన్ బుకింగ్ చేసుకుంటే వారి కార్యాలయాలకు భోజనం చేరుతుంది.