కాళేశ్వరంలో సరస్వతి అంత్య పుష్కరాలు: రెండో రోజు భారీ భక్తుల తాకిడి

కాళేశ్వరంలో సరస్వతి అంత్య పుష్కరాలు రెండో రోజు కూడా భారీ భక్తుల తాకిడితో కొనసాగాయి. తెలంగాణతో పాటు దేశ నలుమూలల నుంచి భక్తులు తరలి వచ్చి పుణ్యస్నానాలు ఆచరించారు.

గోదావరి, ప్రాణిత, సరస్వతి నదుల సంగమ స్థలం అయిన ఈ ప్రదేశాన్ని దక్షిణ త్రివేణిగా పిలుస్తారు. ఇక్కడ 12 రోజుల పాటు పుష్కర స్నానాలు జరుగుతాయి.

తొలిరోజు శంకర సరస్వతి విజయేంద్ర సరస్వతి స్వామీజీ తొలి పుష్కర స్నానం నిర్వహించారు. సాయంత్రం రాష్ట్ర గవర్నర్ దంపతులు కూడా పుణ్యస్నానం చేసి అభివృద్ధి పనులను ప్రారంభించారు.

దేవాదాయ ధర్మాదాయ శాఖ మంత్రి కొండ సురేఖ, స్థానిక మంత్రి దుద్దిల శ్రీధర్ బాబు, భూపాలపల్లి జిల్లా కలెక్టర్, SP తొలిరోజు ఏర్పాట్లు పర్యవేక్షించారు. సాయంత్రం నవరత్నమాల గంగా హారతి కార్యక్రమం నిర్వహించారు.

ఉష్ణోగ్రతలు పెరగడంతో ఉదయం 11 నుంచి సాయంత్రం 4 గంటల వరకు స్నానాలు తక్కువగా జరుగుతున్నాయి. తెల్లవారు జామున, సాయంత్రం వేళల్లో ఎక్కువ మంది భక్తులు పుణ్యస్నానాలు ఆచరిస్తున్నారు. ప్రభుత్వం చలువ పందిళ్లు, మంచినీటి సౌకర్యాలు ఏర్పాటు చేసింది.

ప్రతిరోజు ఒక పీఠాధిపతి హాజరవుతారని అధికారులు తెలిపారు. 12 రోజుల పాటు తెలుగు రాష్ట్రాల ముఖ్య పీఠాధిపతులందరినీ ఆహ్వానించారు.