కాళేశ్వరంలో సరస్వతి నది అంత్య పుష్కరాలు రేపు ప్రారంభం

కాళేశ్వరంలో సరస్వతి నది అంత్య పుష్కరాలు రేపు మొదలవుతున్నాయి. జూన్ 1న ముగుస్తాయి.

కంచి కామకోటి పీఠాధిపతి జగద్గురు శంకర విజయేంద్ర సరస్వతి స్వామి పుష్కరాలను ప్రారంభిస్తారు. మహాగణపతి పూజతో ఉత్సవాలు మొదలై జూన్ 1న మహాపూర్ణాహుతితో ముగుస్తాయి. రోజుకో పీఠాధిపతి ఉత్సవాల్లో పాల్గొంటారు.

2025 మేలో జరిగిన తొలి సరస్వతి పుష్కరాలకు 35 లక్షల మంది భక్తులు వచ్చారు. ఈసారి 40 లక్షల మంది హాజరవుతారని ప్రభుత్వం అంచనా వేస్తోంది.

భక్తుల కోసం 3,360 RTC బస్సులు ఏర్పాటు చేశారు. కాళేశ్వరంలో 4.38 ఎకరాల్లో తాత్కాలిక బస్ స్టేషన్, 250 ఎకరాల్లో పార్కింగ్ సదుపాయం కల్పించారు.

వైద్య శాఖ 10 వైద్య శిబిరాలు ఏర్పాటు చేసింది. పది పడకలతో రెండు medical camps, 30 మంది డాక్టర్లు, 420 మంది వైద్య సిబ్బందిని కేటాయించారు.

కాళేశ్వరం క్షేత్రంలో విదీశ్వర స్వామి లింగంలో పడిన నీళ్లు అంతర్వాహినిగా సరస్వతి నదిగా ప్రవహించి గోదావరిలో కలుస్తాయని విశ్వాసం. దీనివల్ల గోదావరి, సరస్వతి, ప్రాణహిత మూడు నదులు కలిసే త్రివేణి సంగమ క్షేత్రంగా ఈ స్థలం పరిగణించబడుతోంది.