సారానాథ్‌కు UNESCO ప్రపంచ వారసత్వ హోదా, భారత్‌కు 45వ గుర్తింపు

వారణాసికి సమీపంలో ఉన్న బౌద్ధ పుణ్యక్షేత్రం సారానాథ్ కు యునెస్కో ప్రపంచ వారసత్వ హోదా లభించింది.

దక్షిణ కొరియాలోని బుసాన్ లో జరుగుతున్న 48వ ప్రపంచ వారసత్వ కమిటీ సమావేశంలో ఈ నిర్ణయం తీసుకున్నారు. దీంతో భారత్ లో యునెస్కో ప్రపంచ వారసత్వ ప్రదేశాల సంఖ్య 45కి పెరిగింది.

గౌతమ బుద్ధుడు జ్ఞానోదయం తర్వాత తన తొలి ప్రబోధం చేసిన ప్రదేశం ఇదే. దీనిని ధర్మచక్ర ప్రవర్తనగా పిలుస్తారు. మౌర్య చక్రవర్తి అశోకుడు ఇక్కడ ధర్మరాజిక స్తూపం, దమేక్ స్తూపం, నాలుగు సింహాల అశోక స్తంభం నిర్మించాడు. అశోక స్తంభంపై ఉన్న సింహాల చిహ్నమే భారతదేశ జాతీయ చిహ్నంగా ఉపయోగిస్తున్నారు. 12వ శతాబ్దంలో దాడులతో అనేక కట్టడాలు ధ్వంసమైనా, ఆ తర్వాత పురావస్తు శాఖ తవ్వకాలతో ఈ ప్రదేశం వెలుగులోకి వచ్చింది.

సారానాథ్‌కు యునెస్కో గుర్తింపు రావడం భారతీయ సంస్కృతి, బౌద్ధ వారసత్వానికి అంతర్జాతీయ స్థాయిలో లభించిన మరో ముఖ్యమైన గుర్తింపుగా నిలిచింది. శాంతి, అహింస సందేశాన్ని ప్రపంచానికి అందించిన బుద్ధుని బోధనలకు ఇది గౌరవమని సాంస్కృతిక వర్గాలు పేర్కొంటున్నాయి.