సౌదీ అరేబియా మూడు డ్రోన్లను కూల్చివేత; UAE అణు ప్లాంట్‌పై కూడా దాడి

సౌదీ అరేబియా ఎయిర్ డిఫెన్స్ దళాలు ఇరాక్ సరిహద్దు వైపు నుండి వచ్చిన మూడు డ్రోన్లను కూల్చివేశాయి. ఈ డ్రోన్లు సౌదీ వైమానిక పరిధిలోకి ప్రవేశించగానే గుర్తించి నేలకూల్చారు.

సౌదీ రక్షణ మంత్రిత్వ శాఖ అధికార ప్రతినిధి మేజర్ జనరల్ తుర్కీ అల్-మాలికి స్పందించారు. దేశ భద్రతకు ముప్పు కలిగిస్తే సరైన సమయంలో, సరైన ప్రదేశాలపై చర్య తీసుకుంటామని హెచ్చరించారు.

ఈ సౌదీ దాడికి కొన్ని గంటల ముందే UAE లోని బరాకా అణువిద్యుత్ ప్లాంట్ వెలుపల డ్రోన్ దాడి జరిగింది. ఆ దాడిలో ప్లాంట్ ప్రాంగణంలోని ఒక జనరేటర్ అగ్నికి ఆహుతైంది. అరబ్ ప్రపంచంలో మొదటి అణు విద్యుత్ ప్లాంట్ ఇదే.

ఈ దాడుల వెనుక ఇరాన్ మద్దతు ఉన్న గ్రూపుల ప్రమేయం ఉందని అనుమానాలు వ్యక్తమవుతున్నాయి. అయితే దీనిపై అధికారిక నిర్ధారణ రాలేదు.

ఏప్రిల్ నెలలో కాల్పుల విరమణ అమల్లోకి వచ్చినప్పటికీ దాడులు ఆగడం లేదు. UN తో పాటు అంతర్జాతీయ సమాజం ఈ పరిణామాలపై ఆందోళన వ్యక్తం చేస్తోంది.