పాఠశాలలు ప్రారంభం కావడానికి ముందు మెదక్‌లో స్కూల్ బస్సుల ఫిట్నెస్ 80% పూర్తి: డీటీసీ వెంకటరమణ

మెదక్ జిల్లాలో పాఠశాలలు, కళాశాలలు త్వరలో పునఃప్రారంభం కానున్న నేపథ్యంలో స్కూల్ బస్సుల ఫిట్నెస్ పరీక్షలు దాదాపు 80% పూర్తయ్యాయని మెదక్ డిప్యూటీ ట్రాన్స్పోర్ట్ కమిషనర్ (డీటీసీ) వెంకటరమణ తెలిపారు.

హైదరాబాద్, సంగారెడ్డి ఉమ్మడి జిల్లాలో 80% బస్సులు ఫిట్నెస్ పాస్ అయ్యాయి. 15 ఏండ్లు దాటిన 10% బస్సులను నిబంధనల ప్రకారం తొలగించారు. మిగిలిన 10% బస్సులు త్వరలో ఫిట్నెస్ పరీక్షలకు రానున్నాయి.

స్కూల్ బస్సుల్లో అత్యవసర ద్వారం, అగ్నిమాపక పరికరం, కుషన్ సీట్లు తప్పనిసరి. డ్రైవర్ వయసు 60 ఏండ్లు మించకూడదు, స్కూల్ బస్సు నడిపిన 5 ఏండ్ల అనుభవం ఉండాలి. డ్రైవర్ హెల్త్ కార్డును పేరెంట్స్ కమిటీ క్రమం తప్పకుండా పరిశీలించాలి. ప్రతి బస్సులో ఒక అటెండెంట్ ఉండాలి.

ఫిట్నెస్ ప్రక్రియ ఆన్‌లైన్‌లో వెబ్‌సైట్ ద్వారా జరుగుతుంది. స్కూల్ యాజమాన్యాలు వాహన్ పరివహణ లేదా రవాణా శాఖ వెబ్‌సైట్ లో వివరాలు నమోదు చేసి స్లాట్ బుక్ చేసుకోవాలి. రాష్ట్ర స్థాయిలో రెండు మొబైల్ స్క్వాడ్లు, ప్రతి జిల్లాలో ఒక స్క్వాడ్ ఏర్పాటు చేసి బస్సులను తనిఖీ చేస్తారు.

డ్రైవర్లు మద్యం సేవించి బస్సు నడపకుండా ఆర్టీసీ మాదిరిగా యాజమాన్యాలు తనిఖీలు నిర్వహించాలని డీటీసీ సూచించారు. తల్లిదండ్రులు, యాజమాన్యాలు, పోలీస్ శాఖ అందరూ బాధ్యతగా వ్యవహరిస్తే ప్రమాదాలు నివారించవచ్చని ఆయన అభిప్రాయపడ్డారు.