మీ పిల్లల స్కూల్ బస్సు సురక్షితంగా ఉందా? — తెలుసుకోవాల్సిన నిబంధనలు

ప్రతి రోజూ పిల్లలను స్కూల్ బస్సులో పంపే తల్లిదండ్రులు బస్సు భద్రత గురించి తెలుసుకోవడం చాలా ముఖ్యం. కేంద్ర ప్రభుత్వ నిబంధనల ప్రకారం స్కూల్ బస్సులు కొన్ని అవసరమైన ప్రమాణాలు పాటించాలి.

బస్సుకు RC, ఇన్సూరెన్స్, ఫిట్‌నెస్ సర్టిఫికెట్, పర్మిట్, పొల్యూషన్ సర్టిఫికెట్ తప్పనిసరి. డ్రైవర్‌కు కనీసం 5 సంవత్సరాల హెవీ వెహికల్ డ్రైవింగ్ అనుభవం ఉండాలి, వయస్సు 60 ఏళ్ళు మించకూడదు. డ్రైవర్ ఫోటో బస్సులో ప్రదర్శించాలి. ప్రతి మూడు నెలలకు ఒకసారి డ్రైవర్ ఆరోగ్య పరీక్ష, కంటి పరీక్ష చేయించాలి.

బస్సు పసుపు (ఎల్లో) రంగులో ఉండాలి. ఇండికేటర్లు, వైపర్లు సక్రమంగా పనిచేయాలి. అనుమతించిన సంఖ్య కంటే ఎక్కువ మంది పిల్లలను ఎక్కించకూడదు. ప్రతి నెలా ప్రిన్సిపాల్, పేరెంట్స్ కమిటీ కలిసి బస్సు తనిఖీ చేయాలి. ప్రతి 10 బస్సులకు ఒక స్పేర్ బస్సు అందుబాటులో ఉంచాలి.

బస్సు నిర్వహణ రికార్డుల కోసం ఒక రిజిస్టర్ మెయింటైన్ చేయాలి. డ్రైవర్లు, విద్యార్థులకు భద్రతా అవగాహన తరగతులు నిర్వహించాలి. ప్రతిరోజూ బస్సులో విద్యార్థుల హాజరు తీసుకోవాలి. ఈ నిబంధనలు పిల్లల భద్రతకు ఉద్దేశించినవి. తల్లిదండ్రులు స్కూల్ యాజమాన్యాన్ని సంప్రదించి ఈ వివరాలు తనిఖీ చేసే హక్కు ఉంది. పిల్లల భద్రతే ప్రధానం.