హైదరాబాద్‌లో రెండో బ్రిక్స్ అవినీతి నిరోధక వర్కింగ్ గ్రూప్ సమావేశం ఆగస్టు 4,5న

ఆగస్టు 4, 5 తేదీల్లో హైదరాబాద్‌లో రెండో బ్రిక్స్ అవినీతి నిరోధక వర్కింగ్ గ్రూప్ సమావేశం జరగనుంది. ఈ సమావేశానికి బ్రిక్స్ దేశాల ప్రతినిధులు, కేంద్ర ప్రభుత్వ సీనియర్ అధికారులు హాజరుకానున్నట్లు తెలంగాణ సీఎస్ సంజయ్ జాజు తెలిపారు.

సీఎస్ సంజయ్ జాజు సెక్రటేరియట్‌లో ఉన్నత స్థాయి సమీక్షా సమావేశం నిర్వహించి ఏర్పాట్లపై చర్చించారు. భద్రత, ట్రాఫిక్ నియంత్రణ, వైద్య సేవలు, పారిశుద్ధ్యం, ప్రోటోకాల్‌పై ప్రత్యేక దృష్టి పెట్టాలని అధికారులను ఆదేశించారు.

అంతర్జాతీయ ప్రతినిధుల కోసం విమానాశ్రయం నుంచి నగరంలో ట్రాఫిక్ సాఫీగా సాగేలా చూడాలని, సంపూర్ణ ఏర్పాట్లు ముందుగానే పూర్తి చేయాలని సీఎస్ సూచించారు. కేంద్ర ప్రభుత్వంతో నిరంతర సమన్వయంతో ఏర్పాట్లు చేపట్టాలన్నారు.

నగర పరిశుభ్రత, పౌర సేవలు ఎప్పటికప్పుడు అందుబాటులో ఉండేలా చూడాలని అధికారులను ఆదేశించారు.