నిబంధనలు ఉల్లంఘిస్తే స్పా సెంటర్లు సీజ్ చేస్తాం: సికింద్రాబాద్ DCP రక్షిత హెచ్చరిక

సికింద్రాబాద్ DCP రక్షిత స్పా సెంటర్లపై హెచ్చరిక జారీ చేశారు. నిబంధనలు ఉల్లంఘిస్తే సెంటర్లను సీజ్ చేస్తామని స్పష్టం చేశారు.

సికింద్రాబాద్ జోన్‌లో స్పెషల్ డ్రైవ్ నిర్వహించారు. దాదాపు 4-5 డివిజన్లలో తనిఖీలు జరిపారు. మహాకాళి, చిక్కల్, చికడపల్లి, ఓయూ డివిజన్లతో పాటు ఇతర ప్రాంతాల్లో స్పా, ఫిట్‌నెస్ సెంటర్లను తనిఖీ చేశారు.

చాలా సెంటర్లకు trade license లేదని తనిఖీల్లో తేలింది. నిబంధనల ప్రకారం అన్ని సెంటర్లు రాత్రి 9 గంటలకు మూసివేయాలి. CCTV కెమెరాలు తప్పనిసరిగా అమర్చాలి. పని చేసే సిబ్బంది సర్టిఫికెట్లు తప్పనిసరి. మైనర్లను పని చేయించకూడదు.

స్పా సెంటర్లు ఇతర చట్టవిరుద్ధ కార్యకలాపాలకు ఉపయోగపడకూడదని DCP రక్షిత హెచ్చరించారు. నిబంధనలు పాటించని సెంటర్లకు అవసరమైన విభాగాల అనుమతులు తీసుకునేలా చర్యలు తీసుకుంటున్నామని తెలిపారు.