తెలంగాణ ఆవిర్భావ దినోత్సవం: సికింద్రాబాద్ లో ట్రాఫిక్ ఆంక్షలు

తెలంగాణ ఆవిర్భావ దినోత్సవం సందర్భంగా నేడు సికింద్రాబాద్ పరేడ్ గ్రౌండ్‌లో ప్రభుత్వ ఆధ్వర్యంలో ప్రధాన వేడుకలు నిర్వహిస్తున్నారు. ఈ నేపథ్యంలో పోలీసులు సికింద్రాబాద్ లో ట్రాఫిక్ ఆంక్షలు విధించారు.

పోలీస్ వివరాల ప్రకారం ఉదయం 7 గంటల నుంచి మధ్యాహ్నం 12 గంటల వరకు ట్రాఫిక్ ఆంక్షలు అమల్లో ఉంటాయి. బేగంపేట్, సంగీత్ జంక్షన్, తిరుమలగిరి, బోయినపల్లి మార్గాల్లో వాహనాల రాకపోకలను నియంత్రిస్తున్నారు. అవసరమైన చోట వాహనాలను ప్రత్యామ్నాయ రూట్లకు మల్లిస్తున్నారు.

పరేడ్ గ్రౌండ్ లో ఉదయం 8:30 గంటలకు ముఖ్యమంత్రి రేవంత్ రెడ్డి జాతీయ జెండాను ఆవిష్కరించనున్నారు. ఆయన ప్రజలను ఉద్దేశించి ప్రసంగిస్తారు. ఈ వేడుకలకు అధికారులు, ప్రజాప్రతినిధులు హాజరవుతున్నారు.

2014 జూన్ 2న తెలంగాణ రాష్ట్రం ఏర్పడింది. ఈ తేదీని ప్రతి ఏటా తెలంగాణ ప్రభుత్వం ఆవిర్భావ దినోత్సవంగా నిర్వహిస్తోంది.