నువ్వుల పంట తెగుళ్లు: శాస్త్రవేత్తలు గుర్తింపు, నివారణ చర్యలు

తెలంగాణలో సాగవుతున్న నువ్వుల పంటలో పలు తెగుళ్లు ఆశించినట్లు శాస్త్రవేత్తలు గుర్తించారు. ఈ తెగుళ్ల నివారణకు రైతులు సస్యరక్షణ చర్యలు చేపట్టాలని సూచించారు.

నువ్వు తక్కువ నీటితో సాగయ్యే లాభసాటి పంట. మెట్ట ప్రాంతాలతో పాటు ఏపీలోని కోస్తా, రాయలసీమ జిల్లాలు, తెలంగాణలోని ఉత్తర, దక్షిణ జిల్లాల్లో దీన్ని వర్షాధారంగా పండిస్తారు. ఎర్లీ ఖరీఫ్ మే రెండో పక్షం వరకు, లేట్ ఖరీఫ్ ఆగస్టు రెండో పక్షం వరకు విత్తే అవకాశం ఉంటుంది. ఖరీఫ్‌లో తెగుళ్ల బెడద ఎక్కువగా ఉంటుంది.

ప్రధానంగా వేరుకుళ్లు, కాండం కుళ్లు తెగులు సోకి తీవ్ర నష్టం కలిగిస్తోంది. దీనికి కాపర్ ఆక్సిక్లోరైడ్ లేదా మ్యాంకోజెబ్ 3 గ్రాముల మందును లీటరు నీటిలో కలిపి పిచికారి చేయాలి. ఆకుమచ్చ (ఆల్టర్నేరియా) తెగులు తేమ ఎక్కువగా ఉన్నప్పుడు వ్యాపిస్తుంది. కిలో విత్తనానికి 3 గ్రాముల కార్బెండజిం‌తో విత్తనశుద్ధి చేయాలి. పంట దశలో 1 గ్రాము కార్బెండజిం లేదా 2.5 గ్రాముల మ్యాంకోజెబ్ లీటరు నీటిలో కలిపి 15 రోజుల వ్యవధిలో 2-3 సార్లు పిచికారి చేయాలి.

పూత సమయంలో వెర్రి తెగులు సోకితే ఆకులు చిన్నవై కాయలు ఏర్పడవు. దీని నివారణకు ముతైల్ డెమటాన్ 2 ఎం.ఎల్ లేదా డైమితోయేట్ 2 ఎం.ఎల్ లీటరు నీటిలో కలిపి పిచికారి చేయాలి. బూడిద తెగులు సోకినప్పుడు లేత ఆకులపై తెల్లని పొడి మచ్చలు ఏర్పడి ఆకులు రాలిపోతాయి. నీటిలో కరిగే గంధకం 3 గ్రాములు లీటరు నీటిలో కలిపి పిచికారి చేయాలి. పంట మొదటి దశ నుండి పరిశీలించి, తెగుళ్లు కనిపించగానే సకాలంలో చికిత్స చేస్తే మంచి దిగుబడి సాధించవచ్చని శాస్త్రవేత్తలు తెలిపారు.