ఏపీకి వీబీజే రామ్‌జీ పథకం కోసం రూ.1,414 కోట్ల నిధులు విడుదల

కేంద్ర ప్రభుత్వం వీబీజే రామ్‌జీ పథకం అమలు కోసం ఆంధ్రప్రదేశ్‌కు రూ.1,414 కోట్లు విడుదల చేసింది.

జూలై, ఆగస్టు, సెప్టెంబర్ నెలల్లో పథకం కింద పనిచేసే శ్రామికుల వేతనాల చెల్లింపు కోసం ఈ మొదటి విడత నిధులు ఇచ్చారు. దేశంలో ఉత్తరప్రదేశ్ తర్వాత ఆంధ్రప్రదేశ్‌కు అత్యధిక నిధులు కేటాయించారని కేంద్రం వెల్లడించింది.

ఈ నిధుల్లో షెడ్యూల్డ్ కులాలకు రూ.241.54 కోట్లు, షెడ్యూల్డ్ తెగలకు రూ.78.21 కోట్లు, ఇతర వర్గాలకు రూ.1,094.41 కోట్లు కేటాయించారు.

కేంద్ర మంత్రి శివరాజ్ సింగ్ చౌహాన్ రాష్ట్రాల గ్రామీణాభివృద్ధి మంత్రులతో వీడియో కాన్ఫరెన్స్ నిర్వహించి పథకం అమలు తీరును సమీక్షించారు. ఆదివారం నాడు అన్ని రాష్ట్రాలకు మొదటి విడతగా రూ.25,863 కోట్లు విడుదల చేశారు. పథకం ప్రారంభమైన తొలి రోజే రికార్డు స్థాయిలో ఉపాధి కల్పించిన ఆంధ్రప్రదేశ్, కేరళ, రాజస్థాన్‌లను ఆయన అభినందించారు.

కొత్త చట్టం ప్రకారం సగటున 10% వేతనాలు పెరిగాయని, ఇకపై దేశంలో ఏ రాష్ట్రంలోనూ దినసరి కూలి రూ.300 కంటే తక్కువ ఉండదని కేంద్ర మంత్రి స్పష్టం చేశారు. ఈ నెల 2 నుంచి దేశవ్యాప్తంగా ఈ పథకం అమలులోకి వచ్చింది.