BHEL ఆంజనేయస్వామి ఆలయంలో శ్రీ సత్యనారాయణ వ్రతం: 5 వేల మంది దంపతుల పాల్గొనడం

హైదరాబాద్ లోని BHEL శ్రీ కార్యసిద్ధి పంచముఖ ఆంజనేయ స్వామి ఆలయంలో శ్రీ సత్యనారాయణ స్వామి వ్రతం ఘనంగా జరిగింది. ఈ వ్రతంలో 5000 మంది దంపతులు పాల్గొన్నారు.

అవధూత దత్తపీఠ ఉత్తరాధిపతి పరమపూజ్య శ్రీ దత్త విజయానంద తీర్థ స్వామి సమక్షంలో విశేష పూజలు నిర్వహించారు. వేద పండితుల మంత్రోచ్చారణల నడుమ పూర్ణాహుతి జరిగింది.

ఈ సందర్భంగా శ్రీ స్వామీజీ మాట్లాడుతూ, సత్యనారాయణ స్వామి వ్రతం ప్రతి ఇంటిలో శుభ కార్యాలకు తప్పనిసరిగా చేస్తారని అన్నారు. వ్రతం చేయడం వల్ల ద్రవ్య లోపం, మంత్ర లోపం, క్రియా లోపం వంటివి పరిహరింపబడతాయని వివరించారు. సంవత్సరానికి ఒకసారి ఇంట్లో గానీ, దేవాలయంలో గానీ వ్రతం చేయాలని సూచించారు.