మతిస్థిమితం కోల్పోయిన వృద్ధురాలిని కొడుకుకు అప్పగించిన అమ్మ నాన్న అనాధ ఆశ్రమం

2026 ఏప్రిల్ 17న చౌటుప్పల్‌లో మతిస్థిమితం కోల్పోయిన ఈశ్వరమ్మ అనే మహిళ ఎండలో కూర్చొని ఉండటాన్ని స్థానికులు గుర్తించారు. వారి సమాచారంతో అమ్మ నాన్న అనాధ ఆశ్రమం సిబ్బంది ఆమెను ఆశ్రమానికి తీసుకువచ్చారు.

ఆశ్రమంలో చేరిన వెంటనే ఆమెను సమీపంలోని ఆస్పత్రికి తరలించి ప్రాథమిక వైద్య పరీక్షలు నిర్వహించారు. ఈ క్రమంలో ఆశ్రమ సిబ్బంది ఆమె కుటుంబ సభ్యుల ఆచూకీ కోసం ప్రయత్నించారు.

వివరాలు తెలుసుకున్న ఈశ్వరమ్మ కుమారుడు వెంకటయ్య ఆశ్రమానికి చేరుకున్నారు. ఆంధ్ర ప్రదేశ్‌లోని చిన్న ఉయ్యాలవాడ గ్రామానికి చెందిన వెంకటయ్య, తన తల్లి మానసిక స్థితి సరిగా లేనందున రోడ్డుపై తిరుగుతూ ఉంటుందని తెలిపారు. అనంతరం ఆశ్రమ నిర్వాహకులు వెంకటయ్య నుంచి హామీ పత్రంపై సంతకం తీసుకొని ఈశ్వరమ్మను అప్పగించారు. ప్రస్తుతం వారిద్దరూ కలిసి స్వగ్రామానికి బయలుదేరినట్లు సమాచారం.