పులుల సంతానోత్పత్తి కోసం మూడు నెలలు టైగర్ రిజర్వ్ సఫారీలు నిలిపివేత

జూలై 1 నుంచి సెప్టెంబర్ 30 వరకు అమరాబాద్, కవ్వాల్ టైగర్ రిజర్వ్‌లు, నాగార్జున సాగర్ శ్రీశైలం టైగర్ రిజర్వ్ కోర్ ఏరియాలో పర్యాటక సఫారీలను అధికారులు రద్దు చేశారు. పులుల సంతానోత్పత్తి కాలం కావడంతో మూడు నెలల పాటు ఈ నిర్ణయం తీసుకున్నారు.

ఈ సమయంలో పులులు ఆవేశంగా ఉంటాయి. వాహనాల శబ్దం, పర్యాటకుల సందడి వల్ల ఒత్తిడికి గురైన పులులు దాడి చేసే ప్రమాదం ఉంటుంది. అదనంగా, భారీ వర్షాల వల్ల అడవి రోడ్లు బురదగా మారి ప్రయాణం కష్టమవుతుంది. ఈ కారణాలతో అటవీ శాఖ ‘మాన్సూన్ బ్రేక్’ పేరుతో సఫారీలను నిలిపివేసింది.

ఆడ పులులు మూడు నుంచి నాలుగేళ్ల వయసులో సంతానోత్పత్తికి సిద్ధమవుతాయి. ఆడ పులి వదిలే మూత్రం వాసన ద్వారా మగ పులి ఆమెను గుర్తించి కిలోమీటర్ల దూరం ప్రయాణిస్తుంది. జత కట్టిన తర్వాత మూడు నుంచి ఏడు రోజుల పాటు పూర్తి ఏకాంతంగా గడుపుతుంది. ఈ సమయంలో రోజుకు 30 నుంచి 50 సార్లు కలయకలో పాల్గొంటాయని అటవీ అధికారులు తెలిపారు.

ఈ మాన్సూన్ బ్రేక్ వల్ల పులుల సంఖ్య గణనీయంగా పెరుగుతోందని అధికారులు చెబుతున్నారు. పులుల అంతరించిపోకుండా ఈ చర్య దోహదపడుతోంది.