భద్రాద్రి కొత్తగూడెం జిల్లాలో గిరిజనుల ఎర్రచీమల పచ్చడి సంప్రదాయం

భద్రాద్రి కొత్తగూడెం జిల్లా చెర్ల మండలం కందిపాడు గ్రామంలో గిరిజనులు ఎర్రచీమల పచ్చడిని తయారుచేస్తున్నారు. చెట్లపై ఉండే ఎర్ర చీమలను, వాటి గుడ్లను సేకరించి సాంప్రదాయ పద్ధతిలో దంచి ఈ పచ్చడిని సిద్ధం చేస్తారు.

ఈ పచ్చడి రోగనిరోధక శక్తిని పెంచడంతోపాటు వాతావరణ మార్పుల వల్ల వచ్చే జలుబు, దగ్గు, జ్వరాలను తగ్గిస్తుందని గిరిజనులు నమ్ముతారు. అలసటను తగ్గించి శరీరాన్ని చురుకుగా ఉంచుతుందని కూడా చెబుతారు.

ఛత్తీస్‌గఢ్ నుండి వలస వచ్చిన ఆదివాసీలు ఈ సంప్రదాయాన్ని తరతరాలుగా కొనసాగిస్తున్నారు. ఛత్తీస్‌గఢ్, ఒడిశా, జార్ఖండ్ రాష్ట్రాల్లోనూ ఇదే పద్ధతిలో ఈ చట్నీ తయారవుతుంది. ప్రస్తుతం ఈ వంటకం దేశీయంగానే కాక అంతర్జాతీయంగానూ గుర్తింపు పొందుతోంది.