సంధ్య థియేటర్ తొక్కిసలాట కేసు: నేడు నాంపల్లి కోర్టు విచారణ, అల్లు అర్జున్ వర్చువల్ హాజరు

హైదరాబాద్‌లోని సంధ్య థియేటర్‌లో చోటుచేసుకున్న తొక్కిసలాట ఘటనపై నమోదైన కేసు విచారణ నేడు నాంపల్లి కోర్టులో జరగనుంది. ఈ కేసులో నిందితులందరూ కోర్టుకు హాజరుకావాలని కోర్టు ఆదేశాలు జారీ చేసింది.

గత విచారణ సందర్భంగా నటుడు అల్లు అర్జున్ వర్చువల్‌గా హాజరయ్యారు. అయితే మరో ఇద్దరు నిందితులు హాజరు కాకపోవడంతో నాంపల్లి కోర్టు విచారణను వాయిదా వేసింది.

ప్రస్తుతం అల్లు అర్జున్ ముంబైలో షూటింగ్ కార్యక్రమాల్లో ఉన్నారు. దీంతో ఈ రోజు కూడా ఆయన వర్చువల్‌ విధానంలోనే విచారణకు హాజరయ్యే అవకాశం ఉందని న్యాయవర్గాలు తెలిపాయి.