ఒడిశా తీరంలో చిక్కుకున్న 10 మంది ఏపీ మత్స్యకారులు సురక్షితం

ఒడిశా సముద్ర తీరంలో చిక్కుకున్న ఏపీ మత్స్యకారులు 10 మందిని మెరైన్ పోలీసులు సురక్షితంగా రక్షించారు. విజయనగరం జిల్లా పూసపాటిరేగ మండలం చింతపల్లి గ్రామానికి చెందిన వీరు నాలుగు రోజుల క్రితం కాకినాడ హార్బర్ నుండి మెకనైజ్డ్ ఫిషింగ్ బోట్‌లో వేటకు బయలుదేరారు.

ప్రయాణిస్తున్న బోట్ ఇంజిన్ పాడవడంతో వారు పూరీ తీరానికి 3 కిలోమీటర్ల దూరంలో చిక్కుకుపోయారు. వెంటనే అక్కడి అధికారులకు సమాచారం ఇచ్చారు.

పూరి ఎస్పీ ఆదేశాలతో బలియాకొండ, పెంటకోట మెరైన్ పోలీసులు అక్కడికి చేరుకుని సహాయ చర్యలు చేపట్టారు. యజమాని దానయతో సహా 10 మందిని సురక్షితంగా ఒడ్డుకు చేర్చారు.

మత్స్యకారులు క్షేమంగా ఉండడంపై ఏపీ మంత్రి అర్చన్ నాయుడు, ఎంపీ కొండపల్లి శ్రీనివాస్, ఎంపీ కలిశెట్టి అప్పల్ నాయుడు హర్షం వ్యక్తం చేశారు.