2026-27లో తీవ్ర విద్యుత్ సంక్షోభం రానుంది: సీఆర్ఈఏ అధ్యయనం

ఎల్నినో ప్రభావం వల్ల 2026 జూలై నుంచి 2027 జూన్ మధ్య భారతదేశంలో తీవ్రమైన విద్యుత్ సంక్షోభం ఏర్పడే అవకాశం ఉందని సెంటర్ ఫర్ రీసెర్చ్ ఆన్ ఎనర్జీ అండ్ క్లీన్ ఎయిర్ (సీఆర్ఈఏ) హెచ్చరించింది. ఈ సంస్థ చేసిన అధ్యయనంలో ఈ విషయం వెల్లడైంది.

ఎల్నినో వల్ల వానలు తగ్గడం, గాలులు తగ్గడంతో హైడ్రో పవర్ ఉత్పత్తి గణనీయంగా తగ్గిపోతుంది. ఇక టర్బైన్ల ద్వారా గాలి విద్యుత్ ఉత్పత్తి కూడా తగ్గుతుంది. మరోవైపు ఎండ తీవ్రత పెరిగి ఏసీల వినియోగం పెరగడం వల్ల విద్యుత్ డిమాండ్ భారీగా పెరుగుతుంది.

దేశంలో అదనపు విద్యుత్ డిమాండ్ ఒక్కటే 10 టెరావాట్లకు చేరుకుంటుందని సీఆర్ఈఏ అంచనా వేసింది. ఇది ఢిల్లీ నగరం మూడు నెలల విద్యుత్ వినియోగానికి సమానం. పునరుత్పాదక ఇంధన వనరుల నుంచి కోల్పోయిన ఉత్పత్తి, పెరిగిన డిమాండ్ కలిపితే మొత్తం 18 టెరావాట్ల అంతరం ఏర్పడనుంది.